Indian Navy hnenah indo lawng lian hlan

Indian Navy hnenah Thawhlehni khan Russia kutchhuak indo lawng INS Tamal (F71) chu Kaliningrad, Russia-a Yantar lawng chawlhhmunah hlan a ni. INS Tamal hi stealth guided missile frigate niin, kawng hrang hranga ṭangkai thei tur niin air defence lam thuam chakna kawngah a ṭangkai hle dawn a ni.

Indo lawng thar hi Indian Navy hnuaia 'The Sword Arm' western fleet enkawl tur niin, lawng hi Capt Sridhar Tata, gunnery leh missile warfare specialist enkawlna hnuaiah a awm ang. He indo lawng hi dual-role BrahMos supersonic cruise missiles hmanga thuam a ni a; air, surface, sub-surface, leh electronic hmanga beihna pawh lo bei let thei tura duan a ni. Nuclear, biological, leh chemical (NBC) defence atan automated system dah a ni bawk.

Sorkar laipuiin ramchhung siam chhuah chawi larna, Aatmanirbhar Bharat leh Make in India hmalakna a kalpui avangi, INS Tamal hi Indian Navy tana ram dang siam indo lawng a lak luh hnuhnung ber tur a ni.