HP-ah ruahsur vanga chhiatna thlengah mi 51 thi tawh

Himachal Pradesh-ah tun hnaia ruah sur nasa avanga chhiatna thlengah mi 51 an thi tawh a, chin hriat lohin mi 22 an bo bawk. Ruahsur nasa hian state chhungah leimin leh tuilian a thlen nasa hle tih official-te chuan an tarlang.

State Emergency Operation Centre (SEOC)-in June 20 -July 1 inkara chhiatna thlengin a nghawng hrang hrangte nimin Nilaini khan a tarlang a, hemi chhung hian tuilian bawhawk, leimin, tek leh kawngpuia chetsualna thleng vangin mi 51 in nunna an chan tih a sawi. Mi tam takin an thih phah bakah ruahsurin chhiatna a thlen vang hian state chhunga district 12-a mimal in leh public infrastructure tam tak chhiain, ran vulhte pawh an thi bawk tih a sawi. Ruahsur kaihhnawihchhiatna thlengah mi 103 chuangin hliam an tuar bawk. State pumah hian chenna in 204 chhe tawhin heng zinga 22 chu engmah chuh hman lohin a chhe fai vek bawk.

Chhiatna thleng vanga mimal in leh lo chhia hlut zawng hi Rs vbc 88.0 vel a ni a, sorkar infrastructure chhia zawng zawng hi Rs vbc 283.39 hu a tling tawh bawk. Public Works Department (PWD), Jal Shakti Vibhag (JSV) leh power sector-te chu a tuar nasa zingah an tel.