TN CM-in health and wellness centre 208 leh PHC 60 hawng

Tamil Nadu chief minister MK Stalin chuan Ningani khan an state chhung hmun hrang hranga urban health and wellness centre 208, Rs vbc 52 senga sak leh primary health centres (PHC) 60, Rs vbc 60 senga sak a hawng.

CM hian kum 2022 May thla khan Rs vbc 177 sengin urban health and wellness centre 708 chu mi 15,000 - 20,000 chenna chin corporation leh municipality-ah siam a nih tur thu a lo puang tawh a ni. Heng zinga centre 500 chu kum 2023 June thla khan hawn an ni tawh a ni.

Urban health and wellness centre tinte hian medical officer, staff nurse, health inspector leh a puitu staff an nei vek a ni. Centre-te hi zing dar 8 aṭanga chhun dar 12 leh tlai dar 4 aṭanga zan dar 8 inkarahte hawngin; outpatient care, disease screening, lifestyle counselling, health education, immunisations, leh damdawi pek chhuak thlengin an thawk ṭhin.

CM hian Secretariat-ah Tamil Nadu Water Resources Information and Management System(TN-SWRIM) leh Tamil Nadu Satellite based Water Bodies Information and Monitoring and Protection System(TN-SWIP ) te portal thar a tlangzarh nghal bawk. TN-SWRIM hi state chhunga tui kaihhnawih data kimchang tarlanna tur digital platform a ni a, TN-SWIP erawh technology thar, AI leh satellite data hmanga tui humhalh dan duanna tur a ni.