Amit Shah-in cooperative university hmasa ber tur lungphum phum

Union home and cooperation Minister Amit Shah chuan Inrinni liam ta khan Anand, Gujarat-ah India rama cooperative university hmasa ber tur, Tribhuvan Cooperative University sakna tur lungphum a phum. Anand hi India rama cooperative lian ber leh lar, Amul awmna hmun a ni.

Amit Shah chuan Tribhuvan Sahkari University din chu prime minister Narendra Modi-a'n cooperative sector thuam chakna tura hmathlir a lo neih tawh tih hlawhtlinna tur a ni, a ti. Duhsak bik neih tih tawp te, zir chhuaka tling leh theite tan chauha hna tiam leh langtlang taka hmalak a nih tur thute a sawi. Lungphum phum rual hian NCERT textbook pahnih, cooperative lam kaihhruaina chu tlangzarh a ni nghal bawk.

University hi Amul dinna kawnga mi pawimawh leh, India rama cooperative movement kalpuinaa mi ṭangkai, Tribhuvandas Kishibhai Patel hming chawiin phuah a ni. Shah chuan," He university hian mihring hnathawh thiamna a pek chhuah rualin, ruahmanna tih hlawhtlinna tura mihring thahrui mamawh a phuhru thei dawn a ni," a ti.

India ramah hian tun dinhmunah cooperative hnathawktu mi nuai 40 chuang awm mekin board member nuai 80 an awm a, an hnuaia inhnamhnawih mi vaibelchhe 30 an awm mek bawk.