India-in khawvela ram intluk tlang ber palina hauh

World Bank report thar berin a tarlan angin India chu khawvela ram mipui in tluktlanna lamah palinaah a inhlangkai.

He dinhmun a hauh theihna chhanah retheih lutukna chu nasa takin a tlahniam a, kum 2011-12 a 16% ni ṭhin chu 2022-23-ah 2.3%-ah a tlahniam niin World Bank official data chuan a tarlang. India hi China, US, leh UK ten an pha lo.

India sorkar chuan ram mipuite inkara zau lutuk tih zia awm a, intlukna a awm theihna turin tun hnai kum 10 liam ta aṭang khan kawng hrang hrangin hma a la a ni. tehna atana hman Gini Index score-ah India aia chungnung zawk ram pathumte chu Slovak Republic, Slovenia leh Belaru te an ni.

World Bank data-in a tarlan danin, India-in Gini Index a hmuh zat hi 25.5 a tling pha a, ramchhunga sum lakluh rualkhai zawng te, hausakna insem zai leh, ram neih danahte tehna hi siam a ni. Tehna siamah hian 0 (bial) hmu chu intluktlang ber tihna a ni a, hetih laiin 100 erawh intluk tlang lo ber tihna a ni thung.

India-in he dinhmun a hauh theihna chhan nia tarlan ah hian, sorkar laipui hmalaknaa mipui thleng phak scheme hrang hrang - PM Jan Dhan Yojana, Direct Benefit Transfer, leh Stand-Up India scheme te siam a nih vang a ni. Heng scheme kaltlang hian ram mipuiten hlawh in ang khatin an la thei a, heng bakah hian hmang thei tur bik duan scheme - Jan Dhan, DBT, leh Ayushman Bharat-te chuan an thawh hlawk hle bawk a ni.