AC, cooler leh fan hman dan chungchangah sorkar laipui-in kaihhruaina tichhuak

India ramah khua a lum chhoh zel avangin mipuiten air conditioner leh cooler-te an hmang uar chho leh ṭan a, hetihlai hian sorkar laipui chuan ram chhunga hri leng mek avangin AC leh cooler hman dan chungchangah kaihhruaina, phek 18-a chhah chu Inrinni  khan  a tichhuak. 

Sorkar laipuiin kaih­hruaina a siamah, in a  AC hman chu Celcius degree 24-30 inkar leh, humidity chu 40-70% a dah tura tih a ni. Air conditioner hman a ni chungin pawn lam aṭanga boruak a luh theihna turin tukverhte pawh tlem hawng tel turin a ti a ni. Humidity sang lutuk chuan dust mites leh fungi level a tihsan ve zel thu a sawi bawk. 

Hnathawhna hmunah erawh chuan AC hman a nih pawhin lam boruak chu a tam thei ang luhtir turin a ti thung. 

India ram hmarlama an hman uar tak, desert cooler hman chung changah pawh sorkar laipui chuan kaihhruaina a siam bawk. Desert cooler-te hian air filter an neih loh avangin, a tank-te chu tifai reng tur leh, damdawi hmanga tihthianghlim a, tui an dahte chu thlak fo tura tih an ni. 

Electric fan hman a nih pawhin, tukverh hawng ṭhen tel turin sorkar chuan thurawn a pe bawk.