Himachal Pradesh-ah chin hriat loha awm 30-te zawng zel

Himachal Pradesh-a ruah bawhawk sur vanga sabereka khuangkaih leh leimin thlen vanga chin hriat loha awm mi 30-te chu nimin thleng zawn chhunzawm zel an ni.

Kar liam ta khan Mandi district-a Thunag, Gohar leh Karsog subdividsion huam chhunga ruah bawhawk sur vangin chhiatna a thleng a, mi 30 te hi an chin hriat lohin an awm zui a ni. Nimin thleng khan drone leh ui fing hmangin zawn leh chhanchhuah hna hi kalpuia thawh a ni tih official-te chuan an sawi. National leh State Diasater Response Force, Army, Indo-Tibetan Border Police leh Home Guards-te bakah tualchhung mite chuan mi bote zawn hna an thawk mek a ni.

Ruah surin chhiatna a thlen avanga harsatna tawkte ṭanpuina hi sem chhuah a ni bawk a,ei turte sem a nih bakah chhawmdawlna Rs nuai 12.44 pek chhuah a ni tawh bawk. Chhiatna thleng vang hian in 225, dawr pasarih, bawng in 243, lirthei 31, leidawh 14 leh kawngpui eng mawzat a chhe tawh a ni. Pathianni thleng khan state chhunga kawng 243 khar a ni bawk. Chhiatna thleng vanga thil chhiate hi Rs vbc 572 hu a nih thu State Emergency Operation Centre (SEOC) chuan a tarlang.