Bank-a pawisa thleng tum an tam

Sorkar laipuiin Rs 500 leh Rs 1000 note a tih thih hnuah nimin aṭang khan bank hrang hrangah pawisa note hlui a thleng theih
ṭan a, ramchhung hmun hrang hrangah pawisa thleng tura bank dawrtu an tam hle.

SBI leh HDFC bank-te chuan dawrtu an tam avangin official pension tawh ṭhenkhatte an chhawr leh a ni. SBI chuan an hnathawh hun pawh tlai dar 6 thleng a pawtsei a, ICICI bank te pawhin zing dar 8 aṭanga an inhawn tur thu an sawi. Bank dangte pawhin hnathawh hun hi zan dar 7 thleng pawhsei an tum bawk.

Reserve Bank of India chuan post office leh bank-a pawisa thleng theih hun December thla thleng chu, bank hrang hrangte kartawpah pawh inhawng turin a ngen. Pawisa note tih thih, Rs 500 leh Rs 1,000 note hi cheng vaiblechhe nuai 13 dawn a awm a ni.