Ṭul tawpah lo chuan Iran zin rih loh tur : India embassy

Iran-a Indian embassy chuan tun hnaia Iran leh Israel inkar boruak ṭha lo chho zel avangin India mite chu ṭul tawpah lo chaun Iran tlawh rih lo turin a ngen.

Embassy chuan Iran tlawh hmain an ram dinhmun uluk taka thlithlai tur leh India thuneitu lamin kaihhruaina an tih chhuahte ngaichang turin a ti bawk a ni.

Israel-in thla hmasa khan Iran laka 'Operation Rising Lion' neiin, Iran pawhin a bei let ve bawk. Ram pahnihte inbeihna thleng bakah US chuan Iran a nuclear siam chhuahna hmun pathumte chu Israel hmalakn thlawp nan hian a lo bomb tawh bawk. Iran leh Israel hi ni 12 an inbeih hnuah inkahhai an puang a, heti chung hian an inkar boruak erawh a la ṭha lo hle.

Embassy chuan tun hnaia boruak awm dante thlirin Iran tlawh tumte chu fimkhur tur leh,a ṭul tawpah lo chuan zin rih lo turin a ti a ni. Iran-a India mi cheng mek te chuan ram chhuahsan an duh chuan commercial flight leh lawng hmangin an chhuahsan thei a, heng chauh hi hawna tura thlan theih awmchhun a ni rih a ni.