China hnena rapid test kit order sut

Indian Council of Medical Research (ICMR) chuan China company hnen aṭanga rapid testing kit a lei chu a ṭha tawk lo tih hriat a nih hnuah, testing kit nuai 500 a order-na chu a sut leh nghal. 

He test kit hi China-a Guangzhou Wondof Biotech leh Zhulai Livzon Diagnostics hnen aṭanga ICMR-in a lei a ni a, mahse heng hmarua hmanga test neih chu a result chhuah danah thil fel tawk lo a awm avangin ICMR chuan hman chhunzawm a duh tawh lo a ni. 

Test kit hi state hrang hrangten an hman hnuah complaint an thehlut a, test result dik theihna chu 5% chauh niin an sawi. Covid-19 tih hriatchian test-na atan an hman pawhin a result-ah negative a inti zel niin an sawi. Hei vang hian ICMR chuan state hrang hrang hnena testing kit a lo thawn tawh chu supplier hnena pek kir leh a nih theihna tura thawn let leh vek turin a hriattir a ni.