PM Modi-an UK leh Maldives tlawh dawn

Ministry of external affairs (MEA) in nimin Pathianni khan prime minister Narendra Modi chuan July 23-26 chhung khian United Kingdom leh Maldives a tlawh dawn tih a sawi.

MEA tarlan danin nihnih chhung awh tura PM-in UK a tlawh hi UK prime minister Keir Starmer sawmna tih hlawhtlinna tur a ni a, Maldive pawh president Mohamed Muizzu sawmna vang thoa tlawh tur a ni.

PM hian UK hi a tlawh hmasa dawn a, PM Starmer nen inkawmin India-UK thawh dunna ṭha neihna tur te leh ramchhunga harsatna awm leh khawvel ramdang nghawng thei thilte an sawi dun dawn a ni. Modi hian a cham chhung hian official visit-in King Charles III a hmu dawn bawk. Heng bakah hian Comprehensive Strategic Partnership (CSP) kalpuina ennawnna hun an hmang bawk ang.

Thawh hnihna atan Maldives-ah hian July 26-a Independence of Maldives vawi 60-na champha lawmna hman pui turin a zin dawn. He hunah hian 'Guest of Honour' atana sawm a ni bawk. PM leh Dr Mohamed Muizzu chuan kum 2024 October aṭanga ram pahnih ten an lo kalpui tawh, India-Maldives Joint Vision ‘Comprehensive Economic and Maritime Security Partnership’ hmasawnnate an thlir dun dawn a, rampahnih thawh dunna ṭha leh chak zawk a thlen ngei beisei a nih thu MEA thuchhuah chuan a tarlang.