UK F-35B fighter jet Thiruvananthapuram airport aṭangin thawn kir

UK Royal Air Force fighter jet F-35B, kumin June 14 aṭanga engine fel lo awm vanga Kerala-a thla khat chuang zet tangkhang tawh chu nimin Thawhlehni khan Thiruvananthapuram airport aṭangin Darwin, Australia-ah a thlawk kir leh thei ta. He fighter hi kar hnih zet a chian lohnate enfiah a nih hnuah an siam ṭha a ni.

F-35B fifth-generation stealth aircraft hi Lockheed Martin siam niin June 14 khan engine a fel lo awm avangin Thiruvananthapuram airport-ah emergency landing tir a ni. A ṭum hnu hian jet khalhtu hian thil fel lote an en fel nghal a, fuel tlem vanga chiang lo zui niin an tarlang. British thuneitute erawh chuan a chian lohna hi an tarlang lo thung.

Thiruvananthapuram airport-a a awm chhung atana parking fee, Rs nuai 5 chu British sorkrin a chawi dawn a ni. Airport-a parking fee hi bithliah awm sa niin thlawhtheihna lenzawng, leh rihzawng hmanga chhiar a nih bakah airport-a park a nih rei zawng azira lak ṭhin a ni. Parking fee hi ni khatah Rs 15,000-20,000 chawi tir anga chhut a ni.