CBSE-in zirlai himna atana kaihhruaina thar ti chhuak

Central Board of School Education (CBSE) chuan Thawhṭanni khan ram chhung hmun hrang hranga an hnuaia in ziaklut sikulte tan naupang himna turin kaihhruina thar a ti chhuak.

CBSE kaihhruaina thar siamah hian naupangte himna turin sikul tinah CCTV camera fiah ṭha chi, audio-visual recording ti kawp thei dah turin a phut. Heng CCTV te hi sikul huam chhunga hmun pawimawh leh lun lai te la thei tura dah vek turin a ti bawk. Hmun pawimawh an tih zingah hian sikul luh leh chhuahna, lobbies, corridor, staricase, classroom, laboratory, library, canteen leh a chhehvel, store room leh playground te an tel a, inthiarna leh washroom-te erawh a huam tel lo thung.

Camera dahte hi real-time recording leh footage lakkhawm, a tlem berah ni 15 chhung tal dah ṭha thei tura tih a ni. CCTV dahte khaihlak palha hman mai tur backup nei turin sikulte chu phut an ni bawk.

CBSE kaihhruaina siam hi National Commission for Protection of Child Rights (NCPCR)-in sikula naupangte himna tur, 'Manual on Safety and Security of Children in School' a tih chhuah zulzui a siam a ni. Naupangte zinga buaina leh tih nawmnahna thleng ṭhin, mi dang tana hnawksak zawnga khawsa awm ṭhinte tih tlemna atana tih a nih thu an tarlang bawk a ni.