ECI-in VP thar thlanna tur buaipui mek

India Vice President aṭanga Jagdeep Dhankhar a ban tak avangin Election Commission of India (ECI) chuan nimin, Nilaini khan vice president thar thlanna tura buaipui ngaite an buaipui mek thu an tarlang. ECI hian vice president thlan hun tur hi an puangzar thuai dawn tih an sawi a, hriattirna tih chhuah aṭanga ni 14 chhungin nomination paper theh luh a ngai dawn a ni.

Vice president hi Rajya Sabha chairman a ni nghal bawk a, a term hi kum nga a ni. Vice President hi Parliament in hniha MP te awmna, electoral college in a thlang a ni. Inthlannaah hian dan tlangpuiin Lok Sabha-a secretary general emaw Rajya Sabha-a secretary general chu returning officer a ruat ṭhin an ni a, house pahniha senior officer pahnih chu assistant returning officer atan ruat an ni ṭhin thung.

Presidential and Vice Presidential Elections Rules, 1974-in a tarlan danin Vice President chuh turin nomination paper a thehluh hi proposer 20 leh seconder 20 talin a thlawp a ngai a, security deposit-ah Rs 15,000 dah a ngai bawk. Vice president thlannaah hian tling turin vote tla aṭanga 50% leh pakhat belh vote a hmuh a ngai.