Srinagar-ah curfew puang leh

Jammu and Kashmir-a inlakhran duhtuten lungawi lohna kawngzawh huaihawt leh an tum avangin, nimin khan Srinagar khawpui chhung hmun ṭhenkhatah curfew puan a ni.

Police-te chuan dan leh thupek kenkawh a nih theih nan curfew hi puan a nih thu an sawi a, mahse khawpui pumah erawh puan a ni lo thung.

Inlakhran duhtute hian Nowhatta bial a, Jamia Mosque bulah kawngzawh an tum thu an lo sawh a ni. Nimin bik khan he mosque chhunga ṭawngṭai inkhawm neih pawh khap a ni.

Ningani khan inlakhran duhtu pawl hruaitu Muhammad Yasin Malik chu man a ni a, Mirwaiz Umer Farooq pawh pawn chhuak thei lo hren a ni bawk. Sye Ali Geelani pawh pawn chhuak thei loa hren chhunzawm a la ni.