Ramchhung Lawrkhawm

Economic Editors’ Conference zo

Ni hnih awh, Economic Editorsí Conference 2016 chu nimin khan zawh a ni.

Conference hi New Delhi-ah neih a ni a, Press Information Bureau (PIB) leh Ministry of Finance huaihawt a ni. Ningani khan Union Finance Minister Arun Jaitley-aín a hawng a, ramchhung hmun hrang hrang aṭangin economic editor 75 vel an tel a, tualchhunga chanchinbu mi hrang hrangten an chhim bawk.

Economic Editorsí Conference 2016-ah hian Finance minister bakah Commerce and Industry, Railways, Road Transport and Highways, Petroleum and Natural Gas, Information Technology minister-te leh Niti Ayog hhuaituten thu an sawi a, kum hnih leh a chanve chhunga an ministry leh department-te hmalakna hrang hrang leh hlawhtlinna an neihte an sawilang a ni.

He conference-ah hian Aizawl Post Editor C. Lalrambuatsaiha leh Vanglaini Editor K.Sapdanga te pawh an tel.

PM Modi-an regional language hmanga website siam turin ti

Prime Minister Narendra Modi chuan central minister zawng zawngte chu, official language-a pawm zawng zawng hmanga chhiar theih tura website siam turin a hriattir.

PM hian central sorkar website-te chu Hindi leh English chauha siam loin, ramchhunga bial hrang hrang mipuiten an hriatthiam theih tura regional language hmanga siam tel turin a duh tih official-te chuan an sawi. Prime Minister Office (PMO) website hi English leh Hindi bakah regional languate pariat hmanga chhiar theiha dah a ni a, Press Information Bureau (PIB) website-ah chuan English, Hindi leh Urdu bakah regional language 12 hman a ni bawk.

Ram chhungah hian English leh Hindi bakah, official language hi regional language 23 a awm a ni.