Pawisa note thih hnuah bank-ah dollar tld 30 deposit tawh

Sorkar laipuiin November 8 zanlai aṭanga Rs 500 leh Rs 1,000 note a tih thih hnuah ramchhunga bank hrang hrangah pawisa deposit chu cheng dollar tluklehdingawn 29.8 (cheng trillion 2) a tling tawh niin foreign media-ten an tarlang.

Pawisa note hlui hi December 30 thleng bank leh post office-ahte thleng theih a ni ang. Pawisa tih thih a nih hnuah November 12 thleng khan transaction maktaduai 70 chuang siam a ni tawh niin Ministry of Finance chuan a tarlang.

Ramchhunga state lian ber, State Bank of India-ah chuan cheng tluklehdingawn 478.68 deposit a ni tawh a, cash transaction - deposit, withdrawal leh exchange hi cheng tluklehdingawn 543.70 a buaipui tawh bawk.

ATM hrang hrangah Rs 100 note-a pekchhuah a ni a, ramchhunga ATM 200,000 zinga 120,000 vel chu hman theihin an awm mek niin finance ministry chuan a tarlang. Mipuite harsatna tawh tihziaawmna kawng khat atan sorkar laipui chuan vawiin thleng hian pawisa note hlui hi hman a remti a ni.