Arvind Kejriwal: Pawisa thih tur thu PM-in a ṭhiante a hrilh lawk

Delhi Chief Minister Arvind Kejriwal-a chuan sorkar laipuiin Rs 500 leh Rs 1,000 a tih thih tur chu BJP hruaitu leh mi ṭhenkhat dangte hriattir lawk an ni, a ti. Hei vang hian an pawisa kawlte pawh an chingfel hman vek niin a sawi.

Kerjiwal-a chuan, ìEiruk dona chhuanlama hmangin he ruahmanna hi a hma ni eng emaw zat liam taah siam a ni. Prime Minister-in pawisa note tih thih a nih thu a puan khan, a ṭhiante, sum chheprelh ho chu an lo inching fel vek hman a niî, a ti.

Bank-a pawisa deposit chungchanga report aṭangin pawhin thil dik tawk lo a awm tih a hriat niin a sawi a, July - September thla chhung khan bank-a pawisa deposit zat hi a pung nasa a, hengte hi tute deposit nge tih hriat an duh thu a sawi bawk.

ìSorkar laipui chuan system thar hnuaiah sorkar kutah sum tam tak a lut dawn niin a sawi. Hetihlai hian an chhiah pek nena inmil loa sum dah lutte chu 200% penalty thleng pek theih an ni tih a sawi a, hetiang hi tuin nge ti duh ang? Sorkar chuan black money kawltute chu an sumte deposit lo tura a tihna ang chauh a niî tiin, system thar hnuaiah black money te hmuh kir an nih phah a rin loh thu a sawi. Sorkar laipui thil tih chu mi rethei leh mipui nawlpuite tana harsatna siamtu zawk a ni, a ti.