LS Speaker-in all party meeting a ko

15th November, 2016

Sorkar laipuiin Rs 500 leh Rs 1,000 note a tih thih avanga eptuten Prime Miniter Narendra Modi-a kaihhruai beih chhunzawm an tum avangin nimin khan Lok Sabha Speaker Sumitra Mahajan chuan all-party meeting a ko.

West Bengal Chief Minister leh Trinamool Congress hruaitu, Mamata Banerjee chuan pawisa note tih thihin mipui nawlpuite tana harsatna a thlen dante sawiin, sorkar laipui thiltih dan a dem thu a sawi. Mamata hian President Pranab Mukherjee chu hmuh a, pawisa thih vanga mipuite harsatna tawh dante sawipui a tum tih a sawi. Eptu party dangte pawhin Mamata hi an thlawp thu an sawi a, Parliament thlasik ṭhutkhawm neih turah hemi chungchang hi sawi chhuah ngei an tum.

Eptuten pawisa note tih thih chungchanga debate neih an phut avangin LS Speaker chuan all party meeting hi a ko ta a ni.

Rajya Sabha depty leader, Anand Sharma chuan Section 267 hnuaiah pawisa tih thih vanga mipuiten harsatna an tawh dante sawiho a nih theih nana Upper House-a sawiho tur, dante chu tihtawp lailawk a nih thu a sawi. Congress hruaitu chuan an zavaiin sum chheprelh chu tihtawp an duh vek tih a sawi a, mahse PM chuan pawisa tih thih a nih chungchangah mipuite rilru dik lo takin a hruaikawi sak a ni, a ti. ìSum chhepreltute chu BJP hruai≠tute hi an ni a, he thil hi Parliamenty-ah sawiho ngei kan duh a niî, a ti.

JDU hruaitu KC Tyagi chuan sorkar≠in Rs 500 leh Rs 1,000 note a tithi chu
ṭha an tih thu an sawi rualin, kuthnathawk leh mi rethei zawkten harsatna an tawh dan chu an ngaihtuah hle tih a sawi.

CPI hruaitu D Raja pawhin, ìSorkar laipui hian hemi chungchang hi Parliament-ah pu lutin, political party dangte a sawipui phawt tur a ni. Modi-a kaihhruai sorkar hian pawisa note a tih thih dawn hian inbuatsaihna ṭha tawk a nei phawt tur a niî, a ti.

Prime Minister Narendra Modi chuan pawisa note thiin nghawng a neih dante thlirin, Pathianni zan khan senior minister-te meeting a neihpui. Meeting-ah hian bank leh post office hrang hranga sum pekchhuah a nih dante an thlirho a, hma lak a nih dante PM hi hrilhfiah a ni bawk.