Rs 2,000 note tharah print dik lo a awm lo

Reserve Bank of India-in Rs 2,000 note a tihchhuah tharah print dik lo a awm anga tarlan a ni a, hei vang hian lakkir leh vek a ni dawn niin social media lamah a darh nasa hle. He thuthang hi thu dik lo a nih thu sorkar chuan a sawi a, pawisa note tharah print dik lo a awm lo tih a sawi.

Whatapp leh Facebook lamah Rs 2,000 print dik lo a awm nia sawi chungchang hi a darh nasa a, hei vang hian mi ṭhenkhat a tih chiai phah a ni. Social media lama thu thehdarhah chuan, pawisa note tharah hian Hindi-a ëdon hazaar rupayaí tih tur chu ëdon harzaar rupayaí tih a ni a, Urdu-a ëhazaarí tih tur chu ëbazaarí tiin a inziak niin an thehdarh.

Mahse heng thu thehdarh hi a dik lo tih sawiin, sorkar chuan pawisaah hian Hindi ni loin, Devanagiri script hmangtu regional languae pahnih, Konkani leh Marathi zawk a ni tih a sawi a, Konkani leh Marthi chuan ëdoí tih chu ëdoní tih a ni. Pawisa phek hmalamah hian Hindi-in ëdo hazaar rupayaí tih chu a inziak zawk a ni.

Urdu ṭawnga dah pawh a dik tih sawii, ëbazaarí tih ni loin ëhazaarí tih zawka ziah a nih thu a sawi bawk. Hei bakah hian Rs 2,000 note-ah GSP chip dah nia sawi chu thu dik lo a nih thu a tarlang bawk.