LS leh RS member tana rel ticket hauhna portal tlangzarh dawn

Indian Railways (IR) chuan Member of Parliament (MP) te tan bika duan, online kaltlanga rel ticket reserve book-na tur portal a tlangzarh dawn. Hei hi Lok Sabha leh Rajya Sabha MP te zin veivah reng an ngaih avanga ticket chan loh a awm lohna tura ruahman a ni.

Railway minister Ashwini Vaishnaw chuan Congress MP zawhna a chhannaah hemi chungchang hi a rawn sawi chiang a, MP nilai leh MP hluiten an hman tur software hi buaipui mek a nih thu House a hrilh hre nghal bawk.

Congress MP MK Raghavan-a'n MP-te chhum lo chat lo a zin veivah reng an ngaih avang a online kaltlanga Lok Sabha leh Rajya Sabha-a MP te'n ticket neihna tur ruahman a nih leh nih loh zawhna a siam a, a zawhna engah hian hetiang ruahman a nih thu hi hriat theih a ni ta a ni.