BJP aṭangin Kapil Gujjar hnawtchhuak

CAA duh lohna lantira nawrh huaihawtte laka silai hmet puaktu Kapil Gujjar chuan Ghaziabad-ah BJP a zawm a, mahse a hnu rei lo teah BJP chuan a member nihna an hnawlsak leh.

Kum 2020, February 1 tlai lam khan kum 25 mi Kapil Gujjar chuan CAA-NRC duh lohna lantira tharum thawhna telloa nawrh huaihawtte chu a kap a, thi leh hliam erawh an awm lo. Silai hi round hnih a kah hnuah police-te chuan a man zui a, man a nih lai pawh hian inchhuang takin, "Hindu-te tel lo chuan he rama rorelna hi an nei thei lo ang," tiin a la au pawr hle.