J&K-ah helpawl mi 3 kap hlum

Jammu and Kashmir-a Dara biala ramhnuaiah nimin khan security force leh helpawl in kahna thlengin, helpawl mi leh sa pathum kahhlum an ni.

Intelligence aṭanga an thudawn bawh zuiin J&K police, Army leh Central Reserve police Force (CRPF) thawk ho chuan Lidwas ramhnuaiah hel dapchhuah beihpui an thlak a, an inbei zui ta a ni.

Army 15 Corps (Chinar Corps) chuan heng hel pathum te hi kahhlum ngei an ni tih an finfiah tawh niin X kaltlanga an post siamah an tarlang. Inbeihna thlenna hmunah hian sipai tirh belh an ni nghal a,drone pawh eng emw zat thawn a ni bawk. Hei hi ram ngaw pik tak chhunga helte chet velna chhui turin an hmang a ni.

Hel pathum kahhlum zinga pahnih hi kumin April thlaa Pahalgam beihnaa a ruahmantu zinga mi nia sawi a ni a, mahse thuneitute lam aṭangin thuchiang engmah puanzar a la ni lo.