SC-in Bihar SIR chungchangah hearing nei dawn

Parliament monsoon session neih mekah rorel mumal thei loa eptu member-te aubuaina chhan pakhat, Bihar-a Special Intesive Revision (SIR) kalpui mek chungchang chu August 12 leh 13 hian Supreme Court in hearing a nei dawn tih nimin khan a puang.

Bihar-a SIR kalpui chungchang hian Supreme Court-ah petition eng emaw zat thehluh a ni tawh a, complaint thehluhah hian roll aṭangin mi nuai 65 paih an ni tawh tihte tarlan a ni. Hetih lai hian Election Commission of India (ECI) chuan hming paihte hi awmna hmun sawn leh mitthi tawhte an ni tih a sawi thung. SC hian hearing neih remti mah se roll ennawn hna kalpui mek erawh a khap lo thung.

Rashtiya Janata dal (RJD) MP Manoj Jha awiawhtu, senior advocate Kapil Sibal chuan heng roll aṭanga paih takte hian insawifiahna hun siam sak turin a ngen nghal bawk. SC chuan SIR kalpuinaah dik tawk lo hmanga in paihna a thleng tak zet a nih chuan court chu a in rawlh ang a ti bawk.