Foreign Secretary leh Japan Vice Minister inkawm

Foreign secretary Vikram Misri leh India tlawha lo zin, Japan vice minister Funakoshi Takehiro chu Thawhṭanni khan Delhi-ah an inkawm. Ram pahnihte inlaichinna tih chak, project hmachhawp neih mek leh bungrua inthawn tawn chungchangte an sawi.

Ram pahnih aiawh inbiaknaah hian hmasawnna tur atana hmachhawp, Ahmedabad (Sabarmati) leh Mumbai in kalpawhna atana Shinkansen Bullet train project chungchang pawh an sawi. Japan Times chuan kumin kumtir lam khan Japan hian India hnenah E-10 Shinkansen rel thar ber pahnih chu pek a tum niin a lo tarlang tawh a ni.

Japan Vice Minister hian Principal Secretary to the Prime Minister, PK Mishra pawh hmuin, Modi-a zin dan tur chungchangte an sawi dun. PM Modi hian kuminah Japan tlawh a tum a, Japan prime minister Shigeru Ishiba pawh November thlaa Quad Summit hmanga India ram a rawn zin beisei a ni bawk.