PM Modi-a'n Varanashi-ah project hawng dawn

Prime minister Narendra Modi chuan vawiin, Inrinni hian parliamentary constituency-a a bial Varanasi a tlawh dawn, state hmasawnna thlen tur project hrang hrang hawngin lungphum a phum nghal ang. Varanasi-ah Rs vbc 2,248 project 53 thawh a ni dawn.

Varanasi-a hmasawnna tur project hawn tur zingah hian Varanashi-Bhadohi four lane kawng siamna tur te a tel a, kawng cheina tur hrang hrang, kawng pengṭhuama lim dah tur leh kea kalna siamna turte pawh a tel. Hei bakah power infrastructure thuam chakna tur lamte pawh an tel bawk.

PM hian loneitu te puihna tur atana scheme siam, PM-KSN 20th installment a pe chhuak nghal dawn bawk. Ram chhunga loneitu vaibelchhe 9.87 chuangte bank account-ah sum dah tur hi Rs vbc 20,500 a tling. PM-KSN scheme kaltlang hian loneitu in ziaklutte hnenah kum khat atan ṭanpuina Rs 6,000 pek an ni a, hei hi Rs 2,000 zelin thawh thuma pek an ni. Uttar Pradesh-ah hian ram puma loneitu awm aṭanga 25%, hmun lia ṭhena hmun khat an awm tling a ni.