Sept 9-ah Vice President thlang dawn

India Vice President a nihna aṭanga July 22, 2025-a Jagdeep Dhankhar a ban tak avangin a thlaktu tur thlan a ngai a, Election Commission of India (ECI) chuan nimin khan Vice President thar chu September 9-ah thlan a ni dawn tih a puang.

ECI chuan inthlan neih tur atana hriattirna chu August 7 ah a ti chhuak dawn a, chuh tumte tan August 21 thleng nomination paper a theh luh theih ang. Vote thlak ni hian vote tlate chhiarin, result puan nghal a ni ang.

Vice President thlanna neih tur atana electoral college list pawh a tifel tawh tih ECI chuan a sawi. Electoral college-ah hian Rajya Sabha-a elected member 233 leh nominated member 12 bakah Lok Sabha-a member 543 an awm mek a ni. Rajya Sabha-ah hian seat hnawhkhah loh panga leh Lok Sabha-ah pakhat a awm.

Inthlan neih tur atan hian Rajya Sabha Secretariat-a joint secretary Garima Jain leh Rajya Sabha Secretariat director Vijay kumar te chu assistant returning oficer atan ruat an ni.