Philippine President-in India rawn tlawh dawn

Philippine president Ferdinand R. Marcos Jr. chuan a vawi khatna turin August 4-8 chhung cham turin vawiin hian India a rawn tlawh dawn. President hi First lady Louise Araneta-Marcos bakah, cabinet minister, senior official leh sumdawng lian aiawhte'n an rawn zui dawn a ni.

President Marcos hian prime minister Narendra Modi chu naktukah meeting a neihpui dawn a, president Droupadi Murmu leh external affairs minister S. Jaishankar te a kawm bawk ang. Inbiaknaah hian Indo-Pacific ram pahnihte thawh dunna huang tihzauhna tur sawiin, defence huang, tuipui venhimna lam, insumdawn tawnna leh in tlawhpawhna ṭha siam chungchangte an sawi ang.

India leh Philippines hian tun hnaiah defence huanga thawh dunna tihchakna tur an siam a, kum 2022 khan BrahMos supersonic cruise missile system leina tur USD mtd 375 inremna an siam bawk. Hei hi India-in ram pawna he system a hralh chhuahna hmasa ber a ni.

Ram pahnihte hian ramchhung himnaah harsatna hrang hrang an tawh hnuah, India-in 'Act East Policy leh Vission MAHASAGAR a kalpuina kaltlangin thawh dunna an ti chak mek a ni. He hmalakna hian Indo-Pacific hmelhmang thuam chakna kawngah hmun pawimawh tak a chang mek bawk.