ECI-in thuneihna hmang sual, dan leh politics a beih a ṭul : Congress leader

Election Commission of India(ECI)-in Bihar-a Special Intensive Revision (SIR) a kalpui chungchanga duh lohna leh dodalna nasa tak awm mek chungchangah Congress leader P. Chidambaram chuan nimin Pathianni khan ECI chu thuneihna hmangsual an ni, a ti. Dan leh politic hmanga beih let a ṭul thu a sawi.

Chidambaram chuan SIR kalpuinaa voter mi nuai 65-te Bihar roll aṭanga paih leh, Tamil Nadu-a voter nuai 6.5 ngawt dah belh chu dan lo leh thil mak a nih thu a sawi. Roll aṭanga paih tam tak, pem tawh 'permanently migrated' anga in chhuah chu migrant worker-te hmuhsitna a ni, a ti bawk.

Pem hlen tawh anga an sawite hian an seilenna hmun Biharah hian state inthlanah vote thlak turin an tih fo ṭhin angin an kir leh dawn a ni tiin, Chidambaram chuan ECI chu thuneihna hmang sualin electoral nihphung thlak tum leh state nihphung tih danglamna kalpui tumah a chhuah. ECI hian SIR hi West Bengal-ah kalpui a tum leh mek a ni.