India leh Phillipines thawh dunna tur ziak

Prime minister Narendra Modi leh India rama cham mek, Philippines President Ferdinand R Marcos Jr. te chuan nimin Thawhlehni khan ram pahnih thawh dunna tur hrang hrangte an ziak.

Kumin hi India leh Phillipines ramten thawh dunna an neih kum 75-na a ni. Hemi pual hian Philippines President pawh hian India hi a tlawh a ni. Ram pahnihte thawh dunna kum 75 tlinna pualin postage stamp pawh an tlangzarh bawk.

Inremna pakua ziah niin, inlaichinna nghet leh zual nei turin defence huang leh kawng hrang hrang hmanga thawh dunna tur hi tihfel a ni ta. PM Modi chuan ,"India leh Phillipines chu duh vang renga ṭhianṭha leh chanvo neihte vanga thawk dun an ni. Indian Ocean leh Pacific huam chhungah thil tam tak inṭawm vangin pumkhat kan ni, kan inlaichinna chu hun kal tawh vang chauh nilo in hmalam hun beiseina vang a ni" a ti. Phillipine chu Act East Policy leh MAHASAGAR atana India thawhpui pawimawh tak a ni tih a sawi bawk.

"Ralmuanna, security, hlawhtlinna, leh Indo-Pacific huam chhunga dan kenkawh na tur atan kan in pumpek a ni. International law zulzuiin zalenna zau zawk thlen chu kan thlawp tlat bawk" tiin PM chuan inremna thar an neih chuan nghawng ṭha a neih tur thu hi a tarlang.