Uttarakhand-ah chhanchhuah hna kalpui chhunzawm

Uttarakhand-a Uttarkshi district-ah Thawhlehni khan ruah sur vangin saberekakhuangkaihin Dharali khuaah chhiatna nasa tak a thlen a, nimin Ningani khan chhanchhuah hna thawh chhunzawm niin Army chuan mi 70 an chhanchhuah belh a, mi 50 bawr chin hriat lohin an awm. Chhiatna thlenna hmun aṭang hian mi 190 bawr chhanchhuah an ni tawh tih Army chuan an tarlang.

Chhiatna thleng vang hian Maharashtra mi, Gangotri Dham-a biakzina kal mi 16 chu chin hriat lohin an la awm tih Jalgaon Collector Ayush Prasad chuan a sawi. Chin hriat loha awm zingah tualchhung mi bakah khualzin leh hotel hrang hranga thawktu leh insaknaa thawktute chu an tel bawk niin Uttarkshi district thuneitute chuan an sawi.

Uttarakhand chief minister Pushkar Singh Dhami chuan chhiatna thlenna aṭanga chhanchhuah,damdawi-in awmte chu tlawh nghalin an mamawh ang puihna ṭha taka pe turin doctor-te a chah. Army lam tarlan danin district huam chhung hmun hrang hrang inkalpawhna kawngte a la tlang lo a, titlang tura hmalak mek a ni.

Chhanchhuah hna hi Army Rajputana Rifles, National Disaster Response Force, State Disasater Responce Force, leh Army-thawktu aṭang mi 1,332-in an thawk chhunzawm reng bawk. Mahse, chirh tawlh a la awm reng avangin hnathawh a chak thei lo niin thawktute hian an tarlang.