ECI-in VP thlanna atana hrittirna tichhuak

Election Commission of India chuan nimin khan September 9-a Vice President thlanna tur atana hriattirna a tichhuak.

Vice President thlannaa chuh tur tan nomination hi August 21 thleng thehluh theih a ni dawn a, nomination thehluh hi August 22-a enfiah a ni ang a, inhnuhdawk duh tan August 25 thleng hun hawn a ni ang.

July 21 khan Jagdeep Dhankar chuan a hriselna dinhmun chhuanlamin Vice President leh Rajya Sabha-a a nihna aṭangin a bang a ni. A post hi August 2027 thleng tur a ni.

Vice president hi Lok Sabha leh Rajya Sabha member-in an thlang dawn a ni, nominate member pawhin an thlang thei ang. Tun dinhmunah house pahnihah hian member 786 an awm a, inthlana hnehna chang tur hian vote 394 hmuh tlin a ngai dawn a ni. Lok Sabha-ah hian BJP kaihhruai NDA chuan member 542 awmah thlawptu 239 a nei a, Rajya Sabha-ah member 129 thlawptu an nei bawk rorel lai thlawptute hi nominate member 422 an tling.