PM-in New Delhi-ah MP tana in sak hawng dawn

Prime minister Narendra Modi chuan vawiin hian Baba Kharak Singh Marg, New Delhi-a Parliament member-te puala in 184 sak thar, Type-VII chawng eng eng emaw zat awmna hawng dawn.

In sak thar hawn tur hi hmanrua tunlai thei ang bera thuam a ni a, MP te mamawh tur ang zawng zawngte a awm vek dawn nia sawi a ni. Green technology mila siam niin GRIHA 3-star rating leh NAtional Building Code (NBC) 2016 mila sak a ni a, energy conservation, renewable energy generation, leh bawlhhlawh sawngbawlna mumal nei veka duan a ni.

In sakna huamchhungah hian hmun hrang hrang awmin, hmun awh tlem ber tura a duan a ni bawk. In sakte hi vertical housing, a sang zawnga sak vek a ni a, hei hi hmun awh zau lo tura hmalakna a nih bakah enkawl hautak lo tur atana tih a ni. In sak hian ram sq ft 5,000 awhin hmun awl zau tak leh function neihna tur te a awm tel.

Project hi MP hrang hrang, chenna tur avanga harsatna an tawh ṭhin tih ziawmna tura ruahman niin, venhimna ṭha tak hmanga thuam a ni bawk. Building-te hi lirnghing dawl zo tur leh tunlai thei ang bera siam niin a chengte tana himna pe thei ngei tura a duan a ni tih thuchhuah siamah hian an tarlang.