I-Day-ah CPI(ML) in Bihar-ah lungawi lohna lantir dawn

Bihar-a political party, Communist Party of India (Marxist–Leninist) Liberation (CPI[ML]) general secretary Dipankar Bhattacharya chuan an party-in state chhunga Special Intensive Revision(SIR) khuangrual lo lutuk a kalpui duh lohna chu I-Day-ah an lantir dawn tih a puang.

Bhattacharya chuan thuthar lakhawmtute a kawmnaah, Election Commission of India chu dikna zuan khuma a che ta mai chu pawi a tih thu a sawi a, ECI ni loin 'Central Challenge Commission' zawk a ni, a ti. ECI hmalak dan chuan harsatna nasa tak a thlen vangin 'Save Constitution and Save Democracy' thupui hmangin state pumah nawrh huaihawt a ni dawn tih a sawi.

INDIA bloc pawhin Bihar-ah hian 'Voter Adhikar Yatra' thupui hmangin August 17 aṭanga 31 thleng SIR kalpui duh lohna lan tirin nawrh huaihawt tum bawk. Bhattacharya chuan," Tunah chuan EC leh India mipuite inbeihna a ni tawh a, in theih chuan min dan in tum dawn nia! Bihar mipuite chuan in ngam ngam kan ngam, hnehna chang turin" a ti.