A ruala inthlan buatsaihna tur bill zirchiangtu JCP hun pek belh

Lok Sabha leh state assembly inthlan a ruala buatsaihna a nih theihna atana bill pahnih siamṭhat - Constitution (One Hundred and Twenty-Ninth Amendment) Bill, 2024 leh Union Territories Laws (Amendment ) Bill, 2024 zirchiangtu, Joint Committee of Parliament (JCP) chu hun pek belh a ni a, parliament winter session neih tura a kar tawp thleng hun pek an ni.

JCP chairperson PP Choudhary chuan hun pawhseina tur motion hi pu lutin, voice vote hmangin pawmsak a ni. Winter session neih turah a kar tawpnaa rorel ni hmasa berah report hi an pharh ang.

Bill pahnihte hi Lok Sabha leh Union Territory leh state legislative assembly inthlan a ruat buatsaih an nih theihna tura siamṭhat a ni. Ram puma a ruala inthlan buatsaih hi kum eng emaw chen chu BJP agenda a lo ni tawh a ni. Nikum December 17 khan bill hi Lok Sabha-ah pharh a lo ni tawh a ni.

Eptu party hruaitu ṭhenkhat chuan ‘One Nation, One Election’ Bill tia sawi mai hi an sawisel thung a, democracy kalphung lo tiin an sawi.