Union Cabinet-in project thawhna tur Rs vbc 4,594 pawm

Union cabinet chuan nimina New Delhi-a meeting neihah semiconductor project thar pali thawhna tur Rs vbc 4,594 an pawm tih union minister Ashwini Vaishnaw chuan thuthar lakhawmtute a kawmnaah a sawi. Vaishnaw chuan semiconductor chu industry huang ṭhanlenna atana pawimawh a nih thu leh, hetiang nei lo chuan ram hmasawnah a inchhiar theih loh a ni, a ti.

Semicondctor project thawhna tur atan hian Odisha-ah pahnih, Punjab leh Andhra Pradesh-ah pakhat ve ve chu pawm a ni. Project lo pawm hmasak tawh nen semiconductor siamna tur hi project paruk a awm mek a, heng aṭanga 'chips' kumtina siam chhuah theih zat chu tluklehdingawn 24 a tling thei dawn niin a tarlang.

Union minister chuan Odisha-a 3D Glass factory din chuan aerospace, defence, radar, wireless leh high power computing rack siamna kawngah a pui thei dawn tih a tarlang.