PM Modi-in thlatharah UNGA hmang turin US zin dawn

Prime minister Narendra Modi chuan kumtina neih ṭhin, United Nation General Assembly (UNGA) hmang turin September-ah US zin dawn. 80th UNGA session hi September 9 aṭanga neih ṭan tur niin, high-level general debate chu Brazil speaker-na hnuaiah Septemher 23-29 chhungin neih a ni ang.

PM Modi chuan UNGA hman kar lakah hian US president Donald Trump nen inbiakna an nei nghal dawn bawk. PM zin tur hi US-in India laka chhiah lak a tih pun hnua a tlawhna hmasa ber tur a ni. UNGA debate-ah hian Israel, China, Pakistan, leh Bangladesh ram aiawhten thu an sawi dawn tih sawi chian a ni tawh.

UNGA session-ah hian ram aiawh hruaitute chuan khawvel pum nghawng thil hrang hrang sawina hun an hmang dawn a; ralmuanna leh venhimna te, economic leh vantlang hmasawnna, human rights leh mihring nghawng thil hrang hrangte sawi ho a ni ang. UNGA-ah hian UN budget, security council-a non-permanent member tur thlan leh khawvel pum harsatna awmte sawina hun hman ṭhin a ni.