Loneitu leh sorkar aiawhte inbe leh

Farm law duh lohna lantira ram chhunga loneitu pawkl hrang hrangten nawrh an huaihawt hnua a ṭum sarihna atan, nimin khan loneitu leh sorkar laipui aiawhte chuan inremna zawngin inbiakna an nei leh. 

Inbiakna ṭum rukna an neih khan loneitute thil phut pali zinga pahnih chu sorkar laipui aiawhte hian ngaihtuah an remtih sak a, a dang pahnih - farm law pathumte sut leh mininum support price (MSP) legal status pek an phutnaah erawh an la inrem thei lo a ni. 

Loneitute chuan farm law pathumte hi sut leh vek an phut a, mahse sorkar lam chuan sut a tum lo a, loneitute lam duh dan anga siamṭhat erawh a inhuam thu a sawi thung. Loneitute chuan an thil phut hi sorkarin a tihhlawhtlin loh chuan Republic Day, January 26-ah Delhi khawchhunga luhchilh a, tractor rally neihah an vau lawk a ni.