NDA VP candidate tur CP Radhakrishnan

BJP kaihhruai National Democratic Alliance(NDA) chuan Pathianni khan vice president candidate atan Maharashtra governor CP Radhakrishnan an ruat tih an puang. Vice president atana ruat a nih thu hi BJP national president JP Nada chuan thuthar lakhawmtute a kawmnnaah a tarlang. Vice president thlan hun atan hian September 9 ruat a ni.

Vice president atana candidate tur ruatna hi party parliamentary board meeting, Delhi-a neihah thlan niin board meeting hian lungrual takin CP Radhakrishnan hi an thlang tih an tarlang. Vice President candidate tur thlanna hi NDA thawhpui party aiawhte nen neih a nih thu an tarlang tel bawk.

Chandrapuram Ponnusamy Radhakrishnan hian 2024 July 31 aṭang khan Maharashtra Governor 24-na hna a chelh mek a ni. Hemi hma hian Jharkhand-ah 2023-July 2024 thleng khan governor hna a lo chelh tawh a, Telangana governor a nih tawh bakah 2024 March leh July inkar khan Puducherry Lieutenant Governor a lo ni tawh a ni.

Election Commision of India chuan vice president thlanna tur atana nomination theh luh theih hun hnuhnung ber atan August 21 a ruat a, inhnuhdawh theih hun atan August 25 a ruat bawk. Vice president thlanna hi September 9-ah neih niin vote chhiar nghal a ni ang.