EAM ni 3 cham turin Russia-ah zin

External affairs minister S Jaishankar chu nimin khan ni thum cham turin Russia a pan. Jaishankar hian India-Russia thawh dunna tihhmasawnna tur hrang hrang a cham chhungin a buaipui ang. Russia foreign minister Sergey Lavrov nen tun hnaia Trump leh Putin-an Ukraine-a remna thlenna tur chungchanga inbiakna a neihte an sawi dun dawn bawk.

Ministry of external affairs tarlan danin EAM hian vawiinaa neih tur "26th Session of the India-Russia Inter-Governmental Commission on Trade, Economic, Scientific, Technological and Cultural Cooperation" a co-chair dawn a ni. Russia foreign minister nen hian thawh dunna tur bakah ramri leh khawvel nghawng harsatna chungchang an sawi dun bawk ang.

EAM-in Russia a tlawh hun hi US-in India lakah chhiah a tihpun vanga India-US inkar chhiat mek lai niin, India leh Russia inkar tihnghehna tur hrang hrang an ngaihtuah ang. Hun reitak aṭanga thawh dunna 'India-Russia Special and Privileged Strategic partnership' chungchang tihhmasawn chu EAM zin hian a tum ber a ni.