PM Modi-a'n Bihar-ah project hrang hrang tlangzarh dawn

Prime minister Narendra Modi chuan assembly inthlan hmabak, Bihar-a Gayaji district chu naktuk August 22 hian a tlawh dawn a, hmasawnna hna thawhna tur project hrang hrang hawngin vantlang inkhawm buatsaihah thu a sawi bawk ang.

Gayaji-ah hian PM hian Ganga lui chunga six-lane lei dawhna tur lungphum a phum dawn a, hei bakah hian hmasawnna hrang hrang thawhna tur Rs vbc 1,200 hu project a hawng nghal bawk ang. Lei dawh thar tur hi NH 31 thawhna tur project hnuaia mi niin veivahna chu km 100 ngawtin a titawi thei dawn a, lei dawh hian sakhaw hmun pawimawh 'Simaria Dham' panna a tiawlsam thei dawn bawk a ni.

Lei dawh thar tur hi lirthei lian chi tan pawha zawh theih tur niin Bihar hmar lama awm Begusarai, Supaul, Madhubani, Araria leh Bihar chhim lama awm Patna, Seikhpura, Nawada, Lakhisarai te tan inkalpawhna a ti awlsam thei dawn bawk. Lei dawh thar hi kum 70 a upa, Rajendra Setu chei ṭhatna tur atana tih a ni bawk.

PM Modi hian kumin April hnu khan Bihar-a Motihari, Siwan, Madhubani leh Patna te chu a lo tlawh tawh a, Bihar-ah hian kumin kum tawp hian assembly inthlan neih tura ruahman a ni.