Cattle Slaughter Rules siamṭha turin sorkar hriattir

Supreme Court chuan sorkar laipui hnenah Prevention of Cruelty to Animals Act hnua cattle slaughter rules chu sut emaw, siamṭha emaw turin a hriattir. 

Chief justice of India SA Bobde kaihhruai bench chuan sorkar laipuiin kum 2017-a rules a siam, an thubuai ngaihtuah a nih laia bawnga sumdawng leh phurtute, an bawng mansak an nih theihna chu 'law' kalh a nih thu a sawi. Dan hmanlai hnuaiah hian Act hnuaia thiam loh chantir an nih chauhin an rante chu mansak theih an ni, a ti. 

'Ran vulh hi mi tam takin eizawnna atan an hmang a, a vulhtute hi thiam loh chantir an nih hma chuan an ran vulhte chu in laksak ngawt thei lo," tiin bench chuan a sawi. Kum 2017, May 23 khan sorkar laipui chuan Prevention of Cruelty to Animals Act, 1960 hnuaiah  Prevention of Cruelty to Animals (Care and Maintenance of Case Property Animals) Rules, 2017 hi a siam thar a ni.