State pathumah arva pul hri leng

State pathum - Kerala, Rajasthan leh Himachal Pradesh-a sava tam tak thihna chhan chu arva pul hri, avian flu vang a ni tih hriatchian a ni tawh a, Punjab, Madhya Pradesh leh Jharkhand-ah pawh hri hi a leng nia hriat a ni bawk. 

Himachal Pradesh-ah chuan Thawhṭanni thleng khan sava pem chi 2,300 chuang an thi tawh a, state sorkar chuan hei vang hian Kangra district huam bikah ar zawrh leh talh a khap nghal a ni. Arsa leh sangha thawnchhuah pawh tihtawp a ni bawk. 

Kerala-ah pawh Kottayam leh Alappuzha-ah bird flu hi lengin, varak 12,000 chuangin an thih phah tawh bawk a ni. Hri lenna aṭanga km khat bial chhunga ar leh sava lam chite suat vek turin thuneitute chuan thupek an tichhuak. Rajasthan-a Jhalawar biala choak tam tak thihna chhan chu bird flu vang a nih thu National Institute of High-Security Animal Disease chuan a tichiang tawh bawk. Thawhṭanni thleng khan choak 391 an thi tawh a ni.