FAIMA-in doctor tan toll-free mental health helpline tlangzarh

Federation of All India Medical Association (FAIMA) chuan medical zirlai leh doctor-te zingah rilru lam natna a hluar nasat vangin an pual bikin toll-free Mental Health Redressal Helpline (MHRH) a tlangzarh. Helpline-te hi ram chhunga doctor leh medical zirlai, rilru lam harsatna tawk hrang hrang chhawk zangkhaina atana a ruahman niin a thlawn veka kalpui a ni dawn a ni.

Helpline hi kar khatah nisarih chhung hman theih a ni dawn a, ni khatah darkar 20 chhung a biak pawh theih ang. Hei hi ram chhunga doctor hrang hrang, hnathawh hah lutuk vanga rilru ipik chhawk zangkhaina tura tih a ni. Helpline hi ṭawng hrang hrang English, Hindi, Marathi, Bengali, Tamil, Telugu, Kannada, Gujarati, Urdu leh Punjabi-a biak theih a ni ang.

FAIMA chuan kuminah medical zirlai, mahni intihhlum a awm hnuah, medical lam thawktute rilru hriselna leh harsatnate sutkian chu thil ṭul tak nia ngaiin, thawktute tan puihna turin he thil hi a ruahman a ni. Helpline hi psychiatrist 50 chuangin ramchhung hmun hrang hrang aṭangin an vil reng dawn a ni.