Fiji PM Rabuka-a'n India rawn tlawh

Fiji prime minister Sitiveni Ligamamada Rabuka chuan nimin Pathianni khan ni thum cham turin India a rawn thleng. A cham chhung hian India leh Fiji inkar tihchakna turin sumdawnna leh investment huanga thawh dunna tur sawi tum a ni. Rabuka hi South Pacific ram prime minister zingah India rawn tlawh hmasa ber a ni bawk.

Union minister Sukanta Majumdar chuan airport-ah Rabuka hi lo hmuakin, Fiji ram aiawh high level-in an rawn zui. Rabuka zuitu zingah hian health minister Ratu Atonio Lalabalavu bakah sorkar senior official eng emaw zatin an rawn zui a ni. Vawiin hian prime minister Narendra Modi nen huang zau zawka inkawmin, chawchhun a an ei dun nghal ang.

India leh Fiji ram hi kum 1879 aṭangin hnathawktu thawn luh kawngah an thawk dun ṭan tawh a, heng bakah hian tuipui huam chhunga venhimna thawh kawngah nasa takin an thawk dun bawk. Nundan phung leh ram pahnih mipuite inkarah boruak ṭha tak an nei sa bawk a ni.