General Dwivedi leh Algeria sipai hotute inbia

Chief of the Army Staff, General Upendra Dwivedi chu Algeria ramah zinin, Thawhṭanni khan Algeria sipai hotute nen an inkawm. An inkawmnaah hian thawh hona tur leh training hona neih dan tur bakah ralthuam siam chhuah kawnga thawh hona tur chung changte an sawi a ni. General Dwivedi hi Operation Sindoor hnua ram dang tlawha a zin chhuahna hmasa ber a ni.

Sipai hotute inbiaknaah hian Maghreb-Sahel, Africa huamchhung ram nena defence huanga thawh hona thuk zawk neihna tura ruahman a ni. India chuan Algeria hmasawnna tur atana thawh pui chu a tum ber niin, training leh inrelbawlna ṭha siam kawngah thawh ho tum a ni bawk. Inbiaknaah hian ralthuam siam bakah, anti-drones system leh niche technology-a thawh ho chungchang sawi a ni bawk a, mahse, inremna neih a ni em tih erawh an tarlang lo.

General Dwivedi-a'n Algeria a tlawhna hian defence huanga ram pahnihte thawh dunna tur bulṭhut thui takin a ti hmasawn thei dawn a, sipai leh sipai inkara thawh hona leh thuneihna in ṭawm te, South -South cooperation tihchakna tur atan nghawng a nei dawn a ni.