UGC in 19 hnenah heritage status a pe

Kum 100 pel tawh college campus te hum­halh nan University Grants Commission (UGC) chuan ram chhung­a zirna-in 19 hnen­ah heritage status a pe a, heng zingah hian Gu­wa­hati-a Cotton Col­lege pawh a tel.

UGC chuan heritage status atan hian rawtna thehlut turin sawmna a siam a, rawtna 60 a dawn aṭangin college 19 a pawmpui a ni.

Commission hian heritage status a pekte hi campus chhunga thil hlu humhalh nan leh he lam kaihhnawiha course kalpui nan ṭanpuina sum a ruahmansak bawk.

UGC-in heritage status a pekte hi Gu­wa­hati Cotton College bakah hian St Xavier’s College, Mumbai; CMS College, Kottayam; St Joseph College, Trichy; Khalsa College, Amrit­sar; St Bede’s College, Shimla; Christ Church College, Kanpur; Old Agra College, Agra; Mee­rut College, Meerut; Langat Singh College, Bihar Muzaffarpur; Go­vern­ment Brennan Col­lege, Kerala; Uni­ver­sity College, Mangalore; Midnapore College, West Bengal; Government Medical Science, Jabal­pur; Deccan Education Society’s Fergusson College, Pune; Hislop College, Nagpur; Govern­ment Gandhi Memorial Science College, Jammu; Kanya Mahavidyalya, Jalandhar leh St Xavier’s College, Kolkata te an ni.

UGC hian heritage status nei tura rawtna 160 a dawn pawh a bawhzui leh nghal ang.

College kum 100 chuanga upa te hnena heritage status pek hi kum 2013 vel khan sorkar laipui chuan a rawt a, hemi hmang hian college te chuan kum khatah sorkar aṭangin grant atan vaibelchhe 8 aṭangin vaibelchhe10 thleng an dawng thei a ni.