US-ah Indian zirlai an pung chak
US-a ramdang mi zirlai awm zingah India aṭanga kal an pung chak ber a, kum hnih a zawnin he dinhmun hi an luah a ni.
Kum 2015-2016 chhung khan US-a India mi zirlai awmte hi 25% zetin an pung a, heng zirlaite hian American economy-ah dollar tluklehdingawn 5.5 vel zet an chhung lut a ni. Hetih lai hian UK-a zirlai awm chu an tlahniam thung a, kum li chhunga UK-a Indian zirlai awm hi 50% in a tlahniam a ni.
US-a Indian zirlai awmte hi kum 2014-15-ah mi 132,888 an nih laiin, kum 2015-2016 ah chuan 165,918 an tling tawh niin Institute of International Education (IIE) report chuan a tarlang.
China, India leh Saudi Arabia aṭanga US-a lehkha zir tura kalte hi US rama, ramdang mi zirlai awm zawng zawng zahve aiin an tam zawk a ni. China ram aṭnga kalte chu a tam ber an la ni a, Chinese zirlai awm zat hi Indian aiin a let zetin an la tam.