Thubuai tihkhawtlai maktaduai 27 a awm

Ramchhunga court hrang hrangah thubuai maktaduai 27 tihkhawtlai a ni a, judge indaih loh avangin bench 4500 a ruak.

Ram mipui maktaduai khat tan judge 50 zel awm tur ang a nih laiin, tunah hian mi maktaduai khat tan judge 17 chauh awm ang a ni. Justice VV Rao chuan court hrang hranga thubuai tikhawtlai mek te chingfel tur hian Indian judiciary chuan, kum 320 vel zet a mamawh dawn niin a lo sawi tawh a ni.

Official-a tarlan danin, Supreme Court-a judge indaih lohna hi panga a la tling a, High Court 24-ah judge post ruak 464 awmin, subordinate court-ah post ruak 4,166 a awm bawk. Tun thla hian Surpeme Court judge pahnih chu pension-in an chhuak dawn bawk.

Supreme Court leh high court-a judge-te hi collegium in a ruat a ni a, subordinate court judge hi state high court-in a ruat a ni thung. Senior advocate leh Law Commission member hlui, KTS Tusli chuan sorkar laipui leh Supreme Court inhriatthiam lohna awm chuan judiciary lamah nghawng a nei lian hle niin a sawi.