Aziz a rawn zin dawn

Pakistan Prime Minister Advisor on Foreign Affairs, Sartaj Aziz chu December 3-ah, Amritsar-a conference hmang turin a rawn zin dawn.

Sartaj Aziz hian December thlaa Heart of Asia Conference neih turah a tel tur thu a sawi tawh a, he conference hmang tura India rama a zin tur chu ram pahnihte inkar boruak ṭha lo chhemdaihna remchang tak a ni, a ti.

Aziz hi September 10-a Pakistan firfiakten Uri-a army camp an beih hnua, Pakistan senior official zinga India ram rawn tlawh hmasa ber tur a ni ang. Army camp beih a nih vang hian November thlaa Pakistan-a SAARC Summit neih tur
aṭangin India a inhnukdawk a, member tam zawkin India an thlawp avangin summit pawh hi neih a ni ta rih lo a ni. Azizi chuan Pakistan chuan India rama Heart of Asia conference neih tur chu boycott a tum ve loh thu leh, a tel ngeitur thu a sawi. Mahse a cham chhung hian India ram hruaitute a kawm dawn leh dawn loh erawh a la sawichiang lo.